O Blog de Sarela

  A plataforma do terceiro sector defende os dereitos e intereses sociais das persoas en situación de pobreza ou risco de exclusión social. O día 2 de abril, co inicio da campaña da declaración da renda, na Praza da Quintana celebrouse un acto reivindicativo no que se reuniron diferentes asociacións do ámbito social para pedir a colaboración da cidadanía á hora de facer a declaración da renda. Entre esas persoas que fixemos un chamamento á solidariedade estabamos unha representación das persoas usuarias do Servizo de Atención Diúrna Terapéutica   (SADT) .  Cando chegamos á Praza da Quintana xa estaban colocando unha X Solidaria xigante nas escaleiras. Fomos poñernos ó redor dela e logo comezaron   coa lectura do manifesto , que ten como título "Fai que pase" , e que podedes ler na nosa web .  Despois, os diferentes medios de comunicación que había alí gravaron vídeos e sacaron fotos mentres gritabamos “fai que pase” en diferentes idiomas (lingua de signo...

Ola  a todos/a. Na entrada de hoxe queremos falar das dificultades que nos atopamos á hora de realizar ocio xa que para nós é un dos principais inconvenientes para poder desfrutar do noso tempo libre como nos gustaría. Ímosvos contar as principais barreiras cas que nos solemos atopar: Acceso nos pasos de peóns. Cando imos pola rúa atopámonos con que, á hora de cruzar, non hai ramplas en ambos lados do paseo de peóns ou, de habelas, teñen un pequeno bordo que, ó ir en cadeira de rodas, dificúltanos o cruzar. Aceiras moi estreitas. Outra dificultade son que as aceiras son moi estreitas para poder camiñar e aínda encima en moitas ocasións hai farois, árbores no medio ou incluso coches mal aparcados. Os sumidoiros da cidade histórica Cando saímos pola zona vella, os sumidoiros teñen un desnivel que fai que as persoas que usan cadeira de rodas queden atrapadas, ademais de que, teñen reixas e fan que as rodas da cadeira non poida pasar por elas con comodidade. Prazas de aparcamento Un da...

Ola a todos e todas de novo, Este ano Sarela, en adiante Dano Cerebral Santiago de Compostela cumprimos XXV anos. Aí é nada. Temos xa unha traxectoria e podemos dicir con orgullo que somos un centro de referencia na atención ás persoas con Dano Cerebral Adquirido e as súas familias da Área Sanitaria de Santiago de Compostela. Nestes 25 anos cambiaron moitas cousas: sede, profesionais, servizos... pero o  que non cambia é a nosa ilusión e a nosa forma de traballar na que a persoa é o centro das nosas intervencións. Traballamos en prol da mellora da autonomía das persoas con Dano Cerebral Adquirido. Lanzamos unha campaña en redes para que votedes o noso lema para este ano: XXV de Novos Retos XXV anos de Novas Vidas XXV anos Desenvolvendo Camiños para a Autonomía Así que xa sabedes.. adiante coa votación e compartide.  O lema gañador foi "XXV anos de Novos Retos polo que xa o veredes por aquí. Gracias a tódalas persoas que votaron e compartiron. "Fagamos visible o Dano Cerebral ...

Ola de novo a todos e todas! Esta semana o que vimos contarvos foi a saída que tivemos ao Burger King  e que elixiu un dos nosos compañeiros. A verdade é que nos fixo moita ilusión porque nos sentimos xenial. En concreto, algunhas das persoas usuarias do SADT   fomos ao Burguer King de Montouto (Teo) a xantar.  Víctor, un dos nosos compañeiros, tiña a petición de ir alí así que xunto coa súa titora planificaron esta saída polo seu aniversario. Esta saída gustounos porque ademais de tomar unha hamburguesa, como fai o resto da xente que á lle gusta ese tipo de comida,  saímos da rutina. A verdade é que nos sentimos moi ben e como parte da sociedade por facer algo tan sinxelo como isto. Fixádevos con que pouco nos conformamos. Ao chegar alí pedimos o xantar nas pantallas táctiles xigantes que existen para escoller o que queres tomar. Xunto coas profesionais que nos acompañaron, cadaquén pediu o seu xantar e sobremesa e cada un pagamos o que consumimos. Algo que tam...

  Ola a todas e todos, Hoxe queremos contarvos unha saída que realizamos fai uns días.  Como sabedes eliximos nós a onde queremos saír e así imos con máis gañas a facer estas saídas. Esta vez, aproveitando que era o San   Brais (coñecido por facer curas milagrosas sobre todo da gorxa) fomos á Colexiata de Sar, en Santiago. Alí desfrutamos da banda de municipal de música de Santiago e escoitamos aos gaiteiros. Había moi bo ambiente e fixo un tempo marabilloso. Para nós é importante facer estas saídas porque coñecemos o noso entorno máis próximo, desfrutamos cos nosos compañeiros e compañeiras á vez que cambiamos un pouco de aires e de ambiente.  Cando facemos saídas de lecer, imos nun transporte adaptado acompañados e acompañadas das profesionais da entidade e, ás veces, de persoas voluntarias.  Grazas a estas furgonetas adaptadas, as persoas en cadeira de rodas podemos viaxar con facilidade dun lugar a outro e gozar como as persoas que non teñen problemas de m...

Ola a todas e todos. Esta semana queremos explicar como facemos un produto da tenda  ao que lle temos moito cariño como son os chaveiros de tea. Este produto xa comezamos a realizalos o pasado ano e este ano cambiamos o deseño para mantelo actualizado. Podedes facer encargos para agasallos de empresa ou para bautizos , vodas ,  comuñóns  ou calquera outro evento que teñades. Estariamos encantados e encantadas de poder facer para vós un encargo dese tipo. Grazas ás vosas compras podemos seguir mercando material para facer máis proxectos e así aprender a coser en máquina, a pintar teas e o que se nos ocorra. Todo o proceso de fabricación de cada chaveiro é a man e imos explicar como facemos: 1.- Tes que ter unha tea tipo liño. 2.- Despois cortamos a tela en cadrados de 1x1 metros. 3.- Para comezar coa decoración, estendemos a tela nunha mesa e imos colocando cinta de carroceiro, a que empregamos para protexer cando pintamos. Desta forma imos deixar zonas das tea sen pinta...

Ola a todos e todas de novo.  Esperamos que tiverades un Nadal marabilloso. Nós retomando folgos para este novo ano o 2025, que é moi especial para a nosa asociación xa que o 19 de decembro fai 25 anos que naceu Sarela, agora Dano Cerebral Santiago de Compostela. Non puidemos celebrar o XX aniversario por mor da pandemia mundial pola COVID-19 co que este ano imos a a tirar a casa pola ventá e tentaremos dar visibilidade ao colectivo do DCA. Na entrada de hoxe queremos solidarizarnos cunha enfermidade que por desgracia é tamén moi común no noso colectivo, a depresión, que o 13 de xaneiro celebrou o seu día. Ademais consideramos que as persoas que a sofren son estigmatizadas como tamén nos pode suceder a nós. O DCA implica un cambio de vida radical, o cal non queda máis remedio que asumir, tanto nós como a xente que nos rodea, facendo fincapé na familia máis directa. Como dicimos sempre, o DCA é un tsunami. Isto require moitísimas adaptacións na nosa vida e na da nosa familia. Moitas...