NOVOS PROXECTOS


Ola a todas e todos. Esta semana queremos explicar como facemos un produto da tenda ao que lle temos moito cariño como son os chaveiros de tea. Este produto xa comezamos a realizalos o pasado ano e este ano cambiamos o deseño para mantelo actualizado.

Podedes facer encargos para agasallos de empresa ou para bautizos, vodas, comuñóns ou calquera outro evento que teñades. Estariamos encantados e encantadas de poder facer para vós un encargo dese tipo.

Grazas ás vosas compras podemos seguir mercando material para facer máis proxectos e así aprender a coser en máquina, a pintar teas e o que se nos ocorra.

Todo o proceso de fabricación de cada chaveiro é a man e imos explicar como facemos:

1.- Tes que ter unha tea tipo liño.

2.- Despois cortamos a tela en cadrados de 1x1 metros.

3.- Para comezar coa decoración, estendemos a tela nunha mesa e imos colocando cinta de carroceiro, a que empregamos para protexer cando pintamos. Desta forma imos deixar zonas das tea sen pintar.

4.- Pintamos con pintura de tea empregando unha esponxa e dándolle pequenos toques. 

5.- Quitamos a cinta de carroceiro e as partes de tela en branco píntanse doutras cores. Desta forma conseguimos o efecto tan vistoso que vedes nas imaxes. Procurade empregar diferentes cores que combinen ben entre elas. 

6.- Cortamos a tea en tiras de 7 cm de ancho por 21 cm de longo.

7.- Cosemos primeiro do revés facendo a forma rectangular e despois dámoslle a volta e cosemos os laterais. Ao final únense os extremos e ponse a arandela que neste caso mide 3 cm.

8. Como remate cosémoslle a etiqueta coa nosa marca e só quedaría empaquetalos.

Xa sabedes, se queredes colaborar con nos, tedes este e moitos produtos máis na tenda de sarela.



Despois de colocar a cinta de carroceiro


As persoas usuarias pintando a tela






Resultado final

"ANTES DE CONSEGUIR O ÉXITO DEBES CRER QUE PODES FACELO"


Comentarios

Publicar un comentario

Publicacións populares deste blog

REHABILITANDO

Imaxe
Ola a todas e todos unha semana máis.  Desta volta queriamos contarvos unha saída que nos gustou especialmente e da que desfrutamos moito os compañeiros e compañeiras, así como as profesionais, do Servizo de Mellora e Mantemento da Autonomía Persoal e a Inclusión Social   MAPIS  . Anotade porque paga a pena facer esta visita. Fomos de excursión até o concello de Outes, na ría de Muros-Noia, para visitar unha xoia do seu patrimonio industrial: o Estaleiro Ciprián. Este antigo estaleiro foi rehabilitado e hoxe está convertido nun espazo museístico da carpintaría de ribeira e tamén acolle unha oficina de turismo. Neste enlace tedes a localización e neste outro información da páxina web do Concello de Outes  sobre o estaleiro. Na visita explicáronnos que antes de comezar a rehabilitación, realizouse un estudio que puxo en contexto a historia do edificio e a súa importancia como patrimonio marítimo. Na actualidade, o edificio ten uso cultural que respectan e non esq...
...seguir lendo

"COREANDO" EN SARELA

Imaxe
Ola de novo unha semana máis. Desta vez queremos falarvos dunha nova actividade que temos no Servizo de Atención Diúrna Terapéutica  SADT : “Coro”. Participamos as persoas usuarias que  de maneira voluntaria nos apuntamos. Nesta actividade traballamos aspectos como a voz, o oído e tamén o respecto e as habilidades sociais. Unha das cousas que estamos a aprender é a interpretar unha canción. Empezamos coa canción "Color de Esperanza" de Diego Torres que, como di a letra, hai que sacar os medos e atreverse a facer.  En cada unha das sesións o que estamos intentando é mellorar a nosa entoación e facemos exercicios de respiración, movemento da lingua, movemento das cordas vocais,   exercicios cun globo etc. Para que vos fagades unha idea, un dos exercicios co globo consiste en inflalo, e tentar mantelo inflado un tempo na boca e taponando a boquilla do globo coa lingua para que o aire non se escape. Despois deixamos que o aire escape do globo pouco a pouco. Nes...
...seguir lendo

PASIÑO A PASIÑO IMOS FACENDO CAMIÑO

Imaxe
Ola a todas as persoas que ledes esta bitácora. Chámome Juan Ramón Queiro, Moncho para os amigos, e quería aproveitar este espazo para escribir unha reflexión sobre como é a miña vida desde que teño dano cerebral adquirido.  En febreiro do ano 2022 tiven dous ictus:  o primeiro isquémico e aos 9 días o segundo, que foi  hemorráxico. Como consecuencia teño unhas secuelas que comprometen a miña autonomía: unha hemiplexía esquerda (secuela física) e perdas de memoria e déficit de atención (secuelas cognitivas) e problemas de visión (secuelas sensoriais). A miña rehabilitación nun primeiro momento foi complicada. Pasei catro meses no hospital xa que antes do ictus xa levaba encamado un mes por unha infección lumbar. Para min todo foi moi lento, o que provocou que me frustrara porque os avances ían moi pouco a pouco. Despois dun ano as cousas foron cambiando e agora sinto que vou mellorando a miña autonomía. Despois de dous anos con dano cerebral teño que dicir que son moitos ...
...seguir lendo