Sobremesas amorosas... sobremesas saborosas

Para nós os aniversarios dos compañeiros e compañeiras do Servizo de Atención Diúrna Terapéutica non son un día ao ano, é un mes enteiro!

Cada día polas mañás, na actividade de Orientación, recordamos os aniversarios das/os compañeiros/as que cumpren ese mes. Para as/os "cumpreañeiras/os" supón unha sensación de felicidade. Materialízase nunha sobremesa especial á que nos convidan o último venres do mes despois de xantar.  Pero non vos vaiades pensar que isto é tarefa sinxela, noooon. Hai moito traballo detrás  e tamén, moita moita ilusión.

As/os "cumpreañeiras/os" e outras persoas fixas que  participan na actividade de cociña, xúntanse  os venres pola mañá e comezan todo un proceso.

Pensan a receita  e  os produtos necesarios así como as cantidades precisas, o custe dos mesmos e a forma de preparala. Unha vez está todo planificado vaise facer realidade o derradeiro venres do mes.

Todas as persoas que cumpren anos aportan unha cantidade simbólica para poder mercar os ingredientes cando se acude á actividade de Compra.

Algo moi importante é que estas receitas sempre teñen que ser sas e hai que poder adaptalas ás persoas con disfaxia para que todas, sen excepcións,  poidamos desfrutar das amorosas sobremesas.

Para a súa realización utilizamos tamén apoios técnicos como cubertos adaptados e outras técnicas e estratexias co fin de que todos/as poidamos participar. Convertímonos en verdadeiros/as reposteiros/as!

O resultado sempre é saudábel e riquísimo!

Pero... o máis rico riquísimo é o aplauso e o recoñecemento aos "cumpreañeiras/os" que ademais de regalarnos esta sobremesa, tamén reciben un agasallo por parte do resto das compañeiras e compañeiros.  Este agasallo realízase na actividade de Expresión Artística.

Queredes ver a última sobremesa que fixemos? Chamámolo “Xaneiro Larpeiro”.

 

Este é o Xaneiro  Larpeiro. Ummm.


Xaneiro Larpeiro adaptado para as persoas con disfaxia.


E lembrade: "non é unha boa comida se non está feita con amizade para a persoa que vai destinada"·

Comentade o que queirades e suxeride preparacións amorosas e sabrosas que estaremos encantados/as de poder realizalos. 

Ata a próxima.


Comentarios

Publicar un comentario

Publicacións populares deste blog

"COREANDO" EN SARELA

Imaxe
Ola de novo unha semana máis. Desta vez queremos falarvos dunha nova actividade que temos no Servizo de Atención Diúrna Terapéutica  SADT : “Coro”. Participamos as persoas usuarias que  de maneira voluntaria nos apuntamos. Nesta actividade traballamos aspectos como a voz, o oído e tamén o respecto e as habilidades sociais. Unha das cousas que estamos a aprender é a interpretar unha canción. Empezamos coa canción "Color de Esperanza" de Diego Torres que, como di a letra, hai que sacar os medos e atreverse a facer.  En cada unha das sesións o que estamos intentando é mellorar a nosa entoación e facemos exercicios de respiración, movemento da lingua, movemento das cordas vocais,   exercicios cun globo etc. Para que vos fagades unha idea, un dos exercicios co globo consiste en inflalo, e tentar mantelo inflado un tempo na boca e taponando a boquilla do globo coa lingua para que o aire non se escape. Despois deixamos que o aire escape do globo pouco a pouco. Nesta actividade
...seguir lendo

FACENDO COMUNIDADE

Imaxe
Ola a todos. Como foi o voso verán? O noso estupendo  Xa estamos de volta. Desta vez queriamos explicarvos o ben que nos sentimos no Servizo de Mellora e  Mantemento da Autonomía Persoal e Inclusión social (MAPIS) o que fai que busquemos actividades para facer en grupo fóra do horario no que vimos a Sarela. Desde setembro a setembro organizamos e puxemos en práctica varias quedadas, case todas para comer, algo co que desfrutamos moito. A primeira quedada foi para xantar no Paz Nogueira e repetimos dúas veces máis sobre todo porque tiñamos un reservado e podíamos falar das nosas cousas sen molestar a ninguén. Despois os que querían ían tomar outro café ao Bar Lupe's. Foron tres xornadas tranquilas e moi divertidas onde puidemos coñecernos un pouco mellor e facer grupo. Outra das nosas saídas foi ir ver o Belén de Luou, facendo antes unha paradiña para comer no restaurante Entrevías. Estivemos moi a gusto durante toda a tarde, desfrutando da compaña mutua. Despois de ir co servizo
...seguir lendo

SENTIR A MÚSICA

Imaxe
 Ola de novo as tod@s, Estamos de volta unha semana máis e queriamos nesta entrada que coñecerades un pouco o  importante que é a música para algún dos nosos compañeiros. Desde o servizo de Mellora Mantemento da Autonomía Persoal e Inclusión Social (MAPIS)  queremos que coñezades a marabillosa relación que temos coa música. Óscar Salgado sempre foi un apaixoado da música e desde que ten Dano Cerebal Adquirido (DCA) non o deixou de lado senón que segue asistindo a concertos e tocando cada vez que pode. Jesús García  acode a clases de piano desde que tivo o DCA e é algo que o motiva e os compañeiros e compañeiras  desfrutamos cada semana cos seus avances que nos ensina ilusionado desde o seu móbil. Podemos dicir que en xeral cada un/unha de nós desfrutamos da música dunha forma activa (cantando e tocando) ou pasiva (escoitándoa, asistindo a concertos etc). Imos darvos algún exemplos: A Domingo encántalle cantar, Anxo desfruta tocando tamén a súa guitarra, o fillo de Laura é un compositor
...seguir lendo