COÑECER É PODER
Ola de novo a tod@s.
Que tal estades?
Este mes de outubro celebramos o Día Nacional do Dano Cerebral Adquirido (26 de outubro) e parecíanos interesante comentar unha das accións que realizamos ese día e tamén durante todo o ano para sensibilizar á poboación e axudar a previr o Dano Cerebral Adquirido (DCA). Ademais, o día 29 celébrase tamén o Día Mundial do Ictus que é a primeira causa do DCA. Esta campaña realízase todos os últimos mércores de mes, a excepción dos meses de verán.
Compañeiros do Servizo de Atención Diúrna Terapéutica (SADT) explícanmos a continuación como funciona a "Campaña de Ictus" falando coa profesional responsable durante o último ano, a educadora social Noelia Castro. Decidimos facerlle unhas preguntas para que quede moi claro. Se tedes algunha máis preguntade en comentarios.
Quen decide os centros de saúde a onde ir?
A responsable do Servizo de información e Apoio ás familias de Sarela, ponse en contacto coa
xerencia do hospital de referencia (o CHUS) e dende aí dan a autorización para acudir aos
diferentes centros de saúde.
En que consiste a campaña?
A campaña consiste en dar información á poboación en xeral sobre que é o ictus. Tamén se explica como se pode previr e a que número de teléfono chamar en
caso de ter un ictus. Explicamos tamén as principais secuelas e onde poden recibir rehabilitación. As persoas que se paran a falar con nos tamén falan dos seus
casos persoais.
Cando chegamos ao centro de saúde, preparamos a mesa
informativa e despois xa imos falar coas persoas. Explicámoslles que somos da Asociación de Dano Cererbal de Compostela Sarela e facémoslle un pequeno cuestionario para saber se son coñecedoras ou non do ictus e o tipo
de información que teñen sobre o mesmo. Isto
serve para romper o xeo e dar a oportunidade ás persoas de interactuaar máis con nós.
Que se fai co cuestionario ao chegar a Sarela?
Faise un
balance das preguntas contestadas. Algo que queremos resaltar é que sempre son as mulleres as que nos dan mellor acollida e participan máis. Móstranse máis colaboradoras. Animamos desde aquí a que os homes se decidan tamén a falar con nós.
Quen vai cada mes?
As persoas usuarias do SADT e as
do Servizo de Mellora e Mantemento da Autonomía Persoal e Inclusión Social (MAPIS) respectando a súa decisión de participar. Soemos ir un grupo pequeno e tamén unha persoa voluntaria.
Como acolle a xente a campaña?
A verdade é que nos atopamos de todo. Hai persoas interesadas na información que lle damos e outras que ou non lle interesa ou teñen presa nese momento. Tamén hai xente que xa nos coñece e ten información suficiente. Podo dicir que en xeral a campaña ten boa acollida.
Que é o que máis che gusta da campaña?
Acompañar a persoas dos dous servizos e ver como rompen barreiras como a timidez e se esforzan por comunicarse.
Desde o servizo de MAPIS tamén aportan a visión propia das persoas usuarias que acoden e tamén lle fixemos unha preguntas.
Credes que é necesario esta campaña?
Consideramos que máis que necesaria é moi útil e tamén sería importante falar de que o Dano Cerebral é máis que o Ictus. De aí que expliquemos tamén en que consiste Sarela e levar dípticos informativos para que coñezan os diferntes servizos da entidade,
Como vos sentides?
Como vedes a opinión da profesional e das persoas usuarias coinciden na importancia de realizar esta campaña e contribuír así a que a sociedade estea máis informada e polo tanto sensibilizada.
 |
| Campaña de ictus con Marta, persoa voluntaria, Ismael e Víctor |
As persoas que participaron nesta entrada son: Victorino M, López, Isaías Castro, Justo Moro, José Cebro, Mª Carmen Amor, Jose Suárez, Ana I. Pedrosa, Laura Sosa, Santiago Quintás e Antonio Calviño
" A NOVA FONTE DE PODER NON É O DIÑEIRO EN MANS DE POUCOS SENÓN A INFORMACIÓN EN MANS DE MOITOS" (Jhon Naisbitt)
Comentarios
Publicar un comentario