DESFRUTANDO DA AUGA !!
Hola a todos outra semana máis¡¡
Hoxe queríamos que coñcecérades unha actividade que desfrutamos moito e ademais o mellor é que tódolos servizos da entidade puidemos asistir: Servizo de Información, Orientación e Apoio ás familias, Servizo de Atención Diurna Terapéutica, Servizo de Atención Especializada e Servizo de Orientación Laboral. gracias a unha Suvbención do Concello de Santiago de Terapia Acuática na que unhas das súas actividades é a Actividade de Balneario.
Comentaremos a experiencia dende a ollada de varias persoas usuarias do SADT. Acudimos ao Hotel Balneario Compostela ubicado nun Concello próximo a Santiago de Compostela chamado Brión. Dirección: CTRA.SANTIAGO-NOIA, Km 8, 15280 Brión, A Coruña.
Fixemos grupos e fomos acompañados de varios profesionais e queremos compartir con todos vos a nosa experiencia resaltando tanto as cousas positivas como negativas.
En xeral podemos afirmar que é unha actividade que nos gustou. Ademais moitos de nos nunca fóramos a un balneario polo que foi un descubrimento e unha nova experiencia: relaxante e pracentera saíndo de alí notando o corpo moi diferente, mellor.
O balneario ten dúas piscinas con chorros, camas de auga, jacuzzi e despois conta con sauna, baño turco, circuito con pedras para a mellora da circulación e duchas de contraste e de esencias.
O que máis nos gustou foron o Jacuzzi e a ducha de esencias. ¡Tedes que probalos!
Esta actividade permítenos romper a rutina e marcar a diferenza no noso día a día, de feito, fariámolo encantadas/os con maior frecuencia.
Queremos reclamar dende aquí que ogallá tódalas persoas usuarias puideran participar: referímonos aos compañeiros e compañeiras en cadeira de rodas.
Houbo que facer unha selección porque non tódolos espazos están adaptados e as persoas con cadeira de rodas non poden acceder. Outro aspecto a mellorar son os baños, non están tampouco adaptados carecendo de barras de apoio e incluso ás persoas con andador cóstanos utilizalos. Estaría ben que modificaran as escadas que hai nunha das piscinas , xa que son de metal e as persoas con hemiplexia ou falta de equilibrio cóstalles baixar e subir por elas e teñen que ser axudados polos profesionais
É por tanto unha actividade que a desfrutamos pero que podería ser mellor se fora realmente inclusiva.
Síguenos e comenta.
“O tempo que se disfruta e o tempo realmente vivido”
Comentarios
Publicar un comentario