MOVÉNDONOS POLO NOSO ENTORNO

 
Nas xornadas do PMUS organizadas polo Concello de Santiago

Recentemente o Concello de Santiago organizou un proceso aberto á cidadanía para elaborar o Plan de Mobilidade Urbana Sostible (PMUS) de Santiago. Algunhas das persoas usuarias de SADT e de MAPIS participamos nunha desas xornadas e raíz da mesma queremos facer unha reflexión sobre as problemáticas do transporte público e se realmente está “adaptado” ás necesidades de todas as persoas.

Os problemas máis destacados que vemos son: 

  1. Información pouco adaptada desde o punto de vista cognitivo. Pode haber xente que non poida entender ou ler  os letreiros. Solución: colocar pictogramas para que sexa máis accesible cognitivamente.  Tamén que a información sexa auditiva para que as persoas cegas tamén poidan recibir a información.
  2. Perigo de caída cando entras no bus. Non se espera a que as persoas se senten e non se respectan as prioridades dos asentos. Solución: a posible modificación dos carteis para os asentos reservados, máis destacados para que a xente os respecte e non se senten ocupando os asentos que non lle corresponden. Que os condutores saiban os problemas que poden causar se non esperan a arrincan cando a persoa non estea sentada.
  3. Os buses non están realmente adaptados e moitas veces as ramplas non funcionan e as portas son estreitas. Solución:  que se constrúan só autobuses inclusivos nos que tódalas persoas poidan montarse.
  4. Onde hai marquesiñas a xente deixa os vehículos  particulares  estacionados dificultando así poder usalas sobre todo se tes cadeira de rodas. As beirarrúas ás veces tampouco están adaptadas e non teñen rebaixe. Solución: sensibilización á cidadanía para que non deixen os coches nas marquesiñas e construción de ramplas en tódalas beirarrúas para facilitar o acceso con cadeira de rodas ou carriños de bebés.
  5. Non é fácil pagar a viaxe, xa que para unha persoa en cadeira de rodas co bus ateigado non lle resulta doado poder ir pagar . Solución: ter máis accesible o pagamento de tíckets ou o prepago nas paradas, por exemplo.
  6. Reivindicamos ademais que todos os buses estean adaptados, que todos os  trens conten con vagóns adaptados e que non sexa necesario solicitar o asistente ao pasaxeiro con moita antelación. 
  7. Non esquecerse de que aumenten os números de taxis adaptados nas cidades e vilas.

Oxalá se nos escoite. Únete ás nosas protestas. Comenta o que che pareza.   

"Para cada problema , hai a máis sinxela solución". Aghata Christie

Comentarios

Publicar un comentario

Publicacións populares deste blog

"COREANDO" EN SARELA

Imaxe
Ola de novo unha semana máis. Desta vez queremos falarvos dunha nova actividade que temos no Servizo de Atención Diúrna Terapéutica  SADT : “Coro”. Participamos as persoas usuarias que  de maneira voluntaria nos apuntamos. Nesta actividade traballamos aspectos como a voz, o oído e tamén o respecto e as habilidades sociais. Unha das cousas que estamos a aprender é a interpretar unha canción. Empezamos coa canción "Color de Esperanza" de Diego Torres que, como di a letra, hai que sacar os medos e atreverse a facer.  En cada unha das sesións o que estamos intentando é mellorar a nosa entoación e facemos exercicios de respiración, movemento da lingua, movemento das cordas vocais,   exercicios cun globo etc. Para que vos fagades unha idea, un dos exercicios co globo consiste en inflalo, e tentar mantelo inflado un tempo na boca e taponando a boquilla do globo coa lingua para que o aire non se escape. Despois deixamos que o aire escape do globo pouco a pouco. Nes...
...seguir lendo

REHABILITANDO

Imaxe
Ola a todas e todos unha semana máis.  Desta volta queriamos contarvos unha saída que nos gustou especialmente e da que desfrutamos moito os compañeiros e compañeiras, así como as profesionais, do Servizo de Mellora e Mantemento da Autonomía Persoal e a Inclusión Social   MAPIS  . Anotade porque paga a pena facer esta visita. Fomos de excursión até o concello de Outes, na ría de Muros-Noia, para visitar unha xoia do seu patrimonio industrial: o Estaleiro Ciprián. Este antigo estaleiro foi rehabilitado e hoxe está convertido nun espazo museístico da carpintaría de ribeira e tamén acolle unha oficina de turismo. Neste enlace tedes a localización e neste outro información da páxina web do Concello de Outes  sobre o estaleiro. Na visita explicáronnos que antes de comezar a rehabilitación, realizouse un estudio que puxo en contexto a historia do edificio e a súa importancia como patrimonio marítimo. Na actualidade, o edificio ten uso cultural que respectan e non esq...
...seguir lendo

PASIÑO A PASIÑO IMOS FACENDO CAMIÑO

Imaxe
Ola a todas as persoas que ledes esta bitácora. Chámome Juan Ramón Queiro, Moncho para os amigos, e quería aproveitar este espazo para escribir unha reflexión sobre como é a miña vida desde que teño dano cerebral adquirido.  En febreiro do ano 2022 tiven dous ictus:  o primeiro isquémico e aos 9 días o segundo, que foi  hemorráxico. Como consecuencia teño unhas secuelas que comprometen a miña autonomía: unha hemiplexía esquerda (secuela física) e perdas de memoria e déficit de atención (secuelas cognitivas) e problemas de visión (secuelas sensoriais). A miña rehabilitación nun primeiro momento foi complicada. Pasei catro meses no hospital xa que antes do ictus xa levaba encamado un mes por unha infección lumbar. Para min todo foi moi lento, o que provocou que me frustrara porque os avances ían moi pouco a pouco. Despois dun ano as cousas foron cambiando e agora sinto que vou mellorando a miña autonomía. Despois de dous anos con dano cerebral teño que dicir que son moitos ...
...seguir lendo