SUPERANDO BARREIRAS

 

Ola a tod@s unha semana máis¡

Desta vez adiantámonos un pouco porque a ocasión o merece. Queríamos que esta entrada coincidira co Día Internacional da Muller (8M).

A pasada semana, os días 29 de febreiro e 01 de marzo Ana e Laura, dúas compañeiras do Servizo de Mellora e Mantemento da Autonomía Persoal e Inclusión Social (MAPIS) acudimos a Madrid a unha actividade organizada por CERMI MULLERES polo 8M.

 Saímos da estación de Santiago o xoves 29 de febreiro ás 17:45. Aviaxe foi moi cómoda e rápida . ao chegar a Chamartín collemos un taxi que nos levou ao hotel Ilunion onde ceamos e dispuxémonos a descansar.

Ás 6:15 levantámonos para poder almorzar ás 7:15 xa que tiñamos que estar no Senado ás 9. Ao chegar alí vimos que  os nosos sitios estaban reservados. Foi unha sensación alucinante. Sentímonos importantes. Nas cinco horas que durou o acto, tratáronse problemáticas e reivindicacións en relación ao colectivo de mulleres con discapacidade en relación a diferentes temas nos que consideramos que aínda hai moito camiño que andar para que haxa igualdade. Tocáronse temas moi interesantes en relacións as diferencias no ámbito laboral e social. Tamén se falou da sexualidade e os órganos reprodutivos e a posibilidade de que as mulleres  deste colectivo poidan decidir sobre o seu corpo. Estivemos representadas por Sofía López a cal interviu e deixou o listón moi alto.

Para nos foi unha experiencia marabillosa e agradecemos a Sarela que nos dera a oportunidade de realizala, xa que derrubamos barreiras persoais importantes. Nunca viaxaramos soas dende que tivemos o Dano Cerebral Adquirido (DCA) e alá nos fomos a Madrid con moito medo pero encantadas de superarnos. Ademais puidemos formar parte no Senado dunhas propostas que, puidemos votar, as cales  consideramos importantes para conseguir a igualdade entre homes e mulleres teñan ou non discapacidade.

Animamos a tódalas persoas a que salgan da súa zona de confort e se atrevan a explorar e a facer novas cousas porque merece a pena. 



"UNHA  MULLER DEBE SER DOUS COUSAS: QUEN ELA QUEIRA E O QUE ELA QUEIRA " COCO CHANEL



Comentarios

Publicar un comentario

Publicacións populares deste blog

"COREANDO" EN SARELA

Imaxe
Ola de novo unha semana máis. Desta vez queremos falarvos dunha nova actividade que temos no Servizo de Atención Diúrna Terapéutica  SADT : “Coro”. Participamos as persoas usuarias que  de maneira voluntaria nos apuntamos. Nesta actividade traballamos aspectos como a voz, o oído e tamén o respecto e as habilidades sociais. Unha das cousas que estamos a aprender é a interpretar unha canción. Empezamos coa canción "Color de Esperanza" de Diego Torres que, como di a letra, hai que sacar os medos e atreverse a facer.  En cada unha das sesións o que estamos intentando é mellorar a nosa entoación e facemos exercicios de respiración, movemento da lingua, movemento das cordas vocais,   exercicios cun globo etc. Para que vos fagades unha idea, un dos exercicios co globo consiste en inflalo, e tentar mantelo inflado un tempo na boca e taponando a boquilla do globo coa lingua para que o aire non se escape. Despois deixamos que o aire escape do globo pouco a pouco. Nesta actividade
...seguir lendo

FACENDO COMUNIDADE

Imaxe
Ola a todos. Como foi o voso verán? O noso estupendo  Xa estamos de volta. Desta vez queriamos explicarvos o ben que nos sentimos no Servizo de Mellora e  Mantemento da Autonomía Persoal e Inclusión social (MAPIS) o que fai que busquemos actividades para facer en grupo fóra do horario no que vimos a Sarela. Desde setembro a setembro organizamos e puxemos en práctica varias quedadas, case todas para comer, algo co que desfrutamos moito. A primeira quedada foi para xantar no Paz Nogueira e repetimos dúas veces máis sobre todo porque tiñamos un reservado e podíamos falar das nosas cousas sen molestar a ninguén. Despois os que querían ían tomar outro café ao Bar Lupe's. Foron tres xornadas tranquilas e moi divertidas onde puidemos coñecernos un pouco mellor e facer grupo. Outra das nosas saídas foi ir ver o Belén de Luou, facendo antes unha paradiña para comer no restaurante Entrevías. Estivemos moi a gusto durante toda a tarde, desfrutando da compaña mutua. Despois de ir co servizo
...seguir lendo

SENTIR A MÚSICA

Imaxe
 Ola de novo as tod@s, Estamos de volta unha semana máis e queriamos nesta entrada que coñecerades un pouco o  importante que é a música para algún dos nosos compañeiros. Desde o servizo de Mellora Mantemento da Autonomía Persoal e Inclusión Social (MAPIS)  queremos que coñezades a marabillosa relación que temos coa música. Óscar Salgado sempre foi un apaixoado da música e desde que ten Dano Cerebal Adquirido (DCA) non o deixou de lado senón que segue asistindo a concertos e tocando cada vez que pode. Jesús García  acode a clases de piano desde que tivo o DCA e é algo que o motiva e os compañeiros e compañeiras  desfrutamos cada semana cos seus avances que nos ensina ilusionado desde o seu móbil. Podemos dicir que en xeral cada un/unha de nós desfrutamos da música dunha forma activa (cantando e tocando) ou pasiva (escoitándoa, asistindo a concertos etc). Imos darvos algún exemplos: A Domingo encántalle cantar, Anxo desfruta tocando tamén a súa guitarra, o fillo de Laura é un compositor
...seguir lendo