VIVINDO O VERÁN

Ola a todo@s, 

Esta semana queremos falarvos dunha actividade que xa levamos varios anos facendo e da que desfrutamos moito. 

Son os campamentos da Xunta de Galicia cunha duración de 10 días e queremos explicar como foi todo o proceso.

Desde  Sarela informáronnos da convocatoria  e co apoio das profesionais do Servizo de Atención Diúrna Terapéutica (SADT) realizamos a inscrición desde a sede electrónica da Xunta.

Semanas despois notificaron que estabamos admitidos e o lugar e datas nas que podiamos acudir. No noso caso eliximos ir ao Carballiño, Bergondo e Nigrán no mes de setembro.

No Carballiño desfrutamos de  múltiples actividades como  rutas de sendeirismo, manualidades, etc. O lugar onde se realizou o campamento era moi espazoso e podemos dicir que había moi bos e boas profesionais que nos axudaron en todo momentos. Algo que botamos de menos foi non ter piscina ou praia fluvial preto porque ao facer calor poderiamos desfrutar dela. 

En Nigrán e Bergondo o que máis nos gustou foi ir a praia, facer diferentes deportes e rutas de sendeirismo.

En todos os campamentos compártese habitación o que favorece  que coñezas xente e crees novas amizades. Agora o ideal sería manter o contacto con esas persoas.

O que todos temos claro que para o próximo ano queremos repetir.



"CADA VERÁN TEN A SÚA HISTORIA"

Victorino, Isaías, Amadeo e Manuel López (persoas usuarias do SADT)

Comentarios

Publicar un comentario

Publicacións populares deste blog

"COREANDO" EN SARELA

Imaxe
Ola de novo unha semana máis. Desta vez queremos falarvos dunha nova actividade que temos no Servizo de Atención Diúrna Terapéutica  SADT : “Coro”. Participamos as persoas usuarias que  de maneira voluntaria nos apuntamos. Nesta actividade traballamos aspectos como a voz, o oído e tamén o respecto e as habilidades sociais. Unha das cousas que estamos a aprender é a interpretar unha canción. Empezamos coa canción "Color de Esperanza" de Diego Torres que, como di a letra, hai que sacar os medos e atreverse a facer.  En cada unha das sesións o que estamos intentando é mellorar a nosa entoación e facemos exercicios de respiración, movemento da lingua, movemento das cordas vocais,   exercicios cun globo etc. Para que vos fagades unha idea, un dos exercicios co globo consiste en inflalo, e tentar mantelo inflado un tempo na boca e taponando a boquilla do globo coa lingua para que o aire non se escape. Despois deixamos que o aire escape do globo pouco a pouco. Nesta actividade
...seguir lendo

FACENDO COMUNIDADE

Imaxe
Ola a todos. Como foi o voso verán? O noso estupendo  Xa estamos de volta. Desta vez queriamos explicarvos o ben que nos sentimos no Servizo de Mellora e  Mantemento da Autonomía Persoal e Inclusión social (MAPIS) o que fai que busquemos actividades para facer en grupo fóra do horario no que vimos a Sarela. Desde setembro a setembro organizamos e puxemos en práctica varias quedadas, case todas para comer, algo co que desfrutamos moito. A primeira quedada foi para xantar no Paz Nogueira e repetimos dúas veces máis sobre todo porque tiñamos un reservado e podíamos falar das nosas cousas sen molestar a ninguén. Despois os que querían ían tomar outro café ao Bar Lupe's. Foron tres xornadas tranquilas e moi divertidas onde puidemos coñecernos un pouco mellor e facer grupo. Outra das nosas saídas foi ir ver o Belén de Luou, facendo antes unha paradiña para comer no restaurante Entrevías. Estivemos moi a gusto durante toda a tarde, desfrutando da compaña mutua. Despois de ir co servizo
...seguir lendo

SENTIR A MÚSICA

Imaxe
 Ola de novo as tod@s, Estamos de volta unha semana máis e queriamos nesta entrada que coñecerades un pouco o  importante que é a música para algún dos nosos compañeiros. Desde o servizo de Mellora Mantemento da Autonomía Persoal e Inclusión Social (MAPIS)  queremos que coñezades a marabillosa relación que temos coa música. Óscar Salgado sempre foi un apaixoado da música e desde que ten Dano Cerebal Adquirido (DCA) non o deixou de lado senón que segue asistindo a concertos e tocando cada vez que pode. Jesús García  acode a clases de piano desde que tivo o DCA e é algo que o motiva e os compañeiros e compañeiras  desfrutamos cada semana cos seus avances que nos ensina ilusionado desde o seu móbil. Podemos dicir que en xeral cada un/unha de nós desfrutamos da música dunha forma activa (cantando e tocando) ou pasiva (escoitándoa, asistindo a concertos etc). Imos darvos algún exemplos: A Domingo encántalle cantar, Anxo desfruta tocando tamén a súa guitarra, o fillo de Laura é un compositor
...seguir lendo