SUPERANDO BARREIRAS

Ola a todas e todos!

Xa estamos de volta despois do verán coas pilas cargadas. Esperamos que pasarades unhas boas vacacións.

Desta volta queriamos contar que o pasado venres 6 unha persoa usuaria do Servizo de Mellora e Mantemento da Autonomía Persoal e Inclusión Social (MAPIS) recibiu un premio do seu concello, Boiro, á superación persoal.

A continuación facemos un resumo do acontecido e dos demais premiados e premiadas:

O acto celebrouse no Pazo de Goiáns (Boiro) e son  uns galardóns que teñen como finalidade recoñecer e promover a labor social e de voluntariado de entidades, persoas e empresas no municipio.

O acto, presentado por Miryam, Martín, Tiziano, Ana e Irimia, do grupo Turbina, que durante o ano leva a cabo diversas actividades e accións de voluntariado, comezou coa proxección dun vídeo que pon en valor a rede de benestar de Boiro.

Os presentadores do acto entregaron o distintivo á "Superación e ao Exemplo" ao noso compañeiro o ciclista Carlos Mora Eiras en recoñecemento á súa capacidade de superación e de exemplo para a sociedade, demostrando que non existen barreiras. Carlos estivo acompañdo en todo momento cunha compañeira do servizo de MAPIS e sentiuse moi orgulloso de recibir este distintivo.

Carlos Mora, primeiro pola esquerda, na entrega do premio.

Outros recoñecementos

O edil de Servizos Sociais, Raúl Treus, entregou o distintivo na categoría de "Inclusión" á Federación Galega de Persoas Xordas.

A deputada de Servizos Sociais da Deputación da Coruña, Mar García, fixo entrega a Adriana Miguéns e Digna Iglesias do premio á Asociación Amicos en recoñecemento aos anos de traballo no eido da discapacidade e á súa gran aposta pola concienciación ambiental. 

O director xeral de Inclusión Social, Arturo Parrado, fixo entrega do distintivo na categoría "Entidade Empresarial" a Elisabeth Caballero, avogada que presta servizo xurídico a familias e estranxeiros e asidua colaboradora con entidades sociais. 

O distintivo na categoría "Méritos Extraordinarios", que busca dar visibilidade ao traballo constante que persoas e entidades realizan de forma desinteresada en beneficio da sociedade, correspondeu ao Fondo Galego de Cooperación e Solidariedade. O seu tesoureiro, José Manuel Alfonso, recibiu o premio da man de Jaime Bello, técnico municipal.


Carlos durante nunha das marchas con motivo da celebración do Día do Dano Cerebral


"Os obstáculos son o coste da grandeza", Robin Sharma

Comentarios

Publicar un comentario

Publicacións populares deste blog

REHABILITANDO

Imaxe
Ola a todas e todos unha semana máis.  Desta volta queriamos contarvos unha saída que nos gustou especialmente e da que desfrutamos moito os compañeiros e compañeiras, así como as profesionais, do Servizo de Mellora e Mantemento da Autonomía Persoal e a Inclusión Social   MAPIS  . Anotade porque paga a pena facer esta visita. Fomos de excursión até o concello de Outes, na ría de Muros-Noia, para visitar unha xoia do seu patrimonio industrial: o Estaleiro Ciprián. Este antigo estaleiro foi rehabilitado e hoxe está convertido nun espazo museístico da carpintaría de ribeira e tamén acolle unha oficina de turismo. Neste enlace tedes a localización e neste outro información da páxina web do Concello de Outes  sobre o estaleiro. Na visita explicáronnos que antes de comezar a rehabilitación, realizouse un estudio que puxo en contexto a historia do edificio e a súa importancia como patrimonio marítimo. Na actualidade, o edificio ten uso cultural que respectan e non esq...
...seguir lendo

NOVOS PROXECTOS

Imaxe
Ola a todas e todos. Esta semana queremos explicar como facemos un produto da tenda  ao que lle temos moito cariño como son os chaveiros de tea. Este produto xa comezamos a realizalos o pasado ano e este ano cambiamos o deseño para mantelo actualizado. Podedes facer encargos para agasallos de empresa ou para bautizos , vodas ,  comuñóns  ou calquera outro evento que teñades. Estariamos encantados e encantadas de poder facer para vós un encargo dese tipo. Grazas ás vosas compras podemos seguir mercando material para facer máis proxectos e así aprender a coser en máquina, a pintar teas e o que se nos ocorra. Todo o proceso de fabricación de cada chaveiro é a man e imos explicar como facemos: 1.- Tes que ter unha tea tipo liño. 2.- Despois cortamos a tela en cadrados de 1x1 metros. 3.- Para comezar coa decoración, estendemos a tela nunha mesa e imos colocando cinta de carroceiro, a que empregamos para protexer cando pintamos. Desta forma imos deixar zonas das tea sen pinta...
...seguir lendo

FEIREANDO

Imaxe
 Ola a toda e todos unha semana máis! Despois de celebrar o Día do Apóstolo, festivo en toda Galicia, desde o SADT   queremos contarvos a nosa visita á Feira Medieval de Noia  que se celebra dende o ano 1997. Como vedes van alá 27 anos e podemos afirmar que cada ano é mellor e tamén cada ano visítana máis persoas. Nos fomos visitala o pasado venres 19 de xullo. Saímos do centro ás dez da mañá e en apenas 40 minutos chegamos. Unha vez alí fixemos unha visita pola vila que está ambientada  na época medieval. Ademais hai un montón de postos nos que podemos atopar xoias, xabróns artesáns, ferramentas agrícolas, cetrería de especies naturais, postos de comida, artigos de decoración, especias, produtos naturais para facer tatuaxes e para realizar a depilación así como postos de comida con churrasco, empanada, pan, doces, cerveza e viño. As persoas dos postos estaban vestidas como na época medieval e tamén moitos visitantes e así levounos a pensar que ao mellor para o ano a...
...seguir lendo